Телехикаяның оқиға желісі үлкен қалада пәтер жалдайтын отбасының бастан кешкен қызықты оқиғалары негізінде өрбиді.
Мырзахановтар отбасы ауылдан қалаға қоныс аударады. Отбасылық қаражаттары өздеріне жеке пәтер сатып алуға жетпегендіктен, олар уақытша пәтерді жалдап тұруға шешім қабылдайды.
Хикая барысында Мырзахановтар түрлі қаржылық мәселеге тап болады. Пәтерді жалға алу ұзаққа созылса, өз пәтерін сатып алу туралы асқақ армандары жыл сайын алыстай түседі. Нәтижесінде қалада олар тұрмаған аудан қалмайды.
Мырзахановтарға туған ауылға қайта көшіп, шаруашылықпен айналысып, берекеге кенелуге де болар еді. Алайда қаланың көптеген қиындықтарына қарамастан, оған намыстары жібермейді.
Маңдай терімен тапқан-таянғандарын пәтер иесіне береді. Қаладағы тұрмыстарын жалғастырып, өз шаңырақтарына қол жеткізуді армандайды...
